Меню сайта |
|
|
Разделы новостей |
|
|
Мини-чат |
|
|
Наш опрос |
|
|
Поиск-Ҷустуҷуй |
|
|
|
Главная » 2010 » Ноябрь » 26 » «ДУХТАРБАЧА»-И УСТОД АЙНӢ
«ДУХТАРБАЧА»-И УСТОД АЙНӢ | 06:23 |
Бо кӯшиш ва заҳмати профессори ДМТ Абдулҳай Маҳмадаминов як китоби фаромӯшшудаи устод Садриддин Айнӣ тарҷума ва нашр гардид. Асари мазкур, ки зери унвони «Қизбола ё ки Холида» соли 1922 навишта шудааст, соли 1924 дар чопхонаи «Ковиёнӣ»-и Берлин бо хати арабӣ ва ба забони туркии ӯзбекӣ бори аввал ба табъ расида буд ва то кунун хонандаи тоҷик дар бораи он маълумоте надошт. Ин асар аз 30 боби хурд иборат аст, ки 16-тояш аз хусуси рафтору кирдор, фаъолият, хулқу атвор, рӯҳияву пиндор ва муносибатҳои шахсии Холида ном духтараке нақл менамояд. Бештар аз 10 боби дигари асар ба масъалаҳои таълиму тарбияи Холида, хониш ва малакаву донишандӯзии ӯ бахшида шудааст. Тавре А. Маҳмадаминов ёдрас мекунад, «»Духтарбача ё ки Холида» аз лиҳози мазмуну ғоя ва моҳият асари барҷастаи панду ахлоқист». Ин асар бо тарзу усули нав иншо шуда, аз китобҳои дарсии то инқилоби Октябр таълифгардида бо интихоби мавзӯъ, масъалагузорӣ, ашёи омӯзиши шогирдон, зикри ҳодисаву воқеаҳои ҳаёт мувофиқ ба синну соли хонандагон, ба назар гирифтани сатҳи азбаркунии маводи таълимӣ ва ҳадафҳои омӯзиш фарқ мекунад. Дар хотимаи ин асар ки хеле соддаву оммафаҳм аст, устод Айнӣ фасле зери унвони «Як-ду сухан ба муаллим ва муаллимаҳо» кушода, менависад, ки «Ин китоб барои бачагон навишта шуда бошад ҳам, баъзе калима ва ҷумлаҳои барои бачагон номафҳум низ дучор омаданашон мумкин аст. Чунин калима ва ҷумлаҳоро бо шарҳ ва мисолҳо ба бачагон фаҳмондан ба ҳиммати муаллим ва муаллимаҳо ҳавола карда шуд. Пеш аз дарсро ба бача хонондан мазмуни онро даҳонӣ (шифоҳӣ) гуфта дода, баъд аз тамоман сарфаҳм рафтани бача аз китоб хонондан як усули беҳтарин аст. Агар ба ҳамин усул риоя карда шавад, бача аз дарс ҳеҷ дилгир нахоҳад шуд..» Хулоса, интишор шудани ин асар барои таҳқиқи таҳаввули фаъолияти маорифпарварии Айнӣ ва пурра шудани осори ӯ хеле муҳим аст. Б.СУЛАЙМОННИЁ
|
Категория: Культура |
Просмотров: 1376 |
Добавил: Мухочир
| Рейтинг: 0.0/0 |
|
Добавлять комментарии могут только зарегистрированные пользователи. [ Регистрация | Вход ]
|
|
Форма входа-Шакли даромад |
|
|
Календарь новостей |
|
|
Сурати нав |
|
|
Друзья сайта |
|
|
Статистика |
Онлайн всего: 1 Гостей-Мехмонхо: 1 Пользователей: 0 |
|
|